Kryetari i Kuvendit të Republikës së Kosovës, Glauk Konjufca, priti sot në takim delegacionin e deputetëve të CSU-së të Parlamentit të Bavarisë, të drejtuar nga Gerhard Hopp.
Në takim Konjufca theksoi se Republika e Kosovës ka një lidhje të veçantë me Gjermaninë, që është forcuar me kontributin e jashtëzakonshëm gjerman përgjatë të gjitha fazave, përpara dhe pas pavarësisë së shtetit tonë.
Ai tha se Bavaria është nga rajonet që ka pritur emigrantët e parë shqiptarë nga Kosova në Gjermani, në vitet ’60-të dhe për të gjitha këto Kosova ka mirënjohje të thellë, duke u siguruar që kjo lidhje të mbahet e palëkundur, si themel i bashkëpunimit.
Bashkëbiseduesit u pajtuan që raportet mes Kosovës dhe rajonit të Bavarisë, si dhe Gjermanisë në përgjithësi, duhet të thellohen edhe më tej në një masë të gjerë fushash.
“Republika e Kosovës është veçanërisht e interesuar të përfitojë nga modeli i arsimimit profesional në rajonin e Bavarisë dhe shtetit të Gjermanisë në përgjithësi, përmes të cilit tregut të punës në Kosovë t’i ofrohet kuadër sa më profesional”, tha kryeparlamentari.
ndërkaq, delegacioni gjerman u shpreh shumë i kënaqur me vizitën në Republikën e Kosovës, duke konstatuar të arriturat e shumta që Kosova i ka bërë si shtet.
Ligjvënësit bavarezë shprehën mbështetjen e tyre për anëtarësimin e Kosovës në strukturat euroatlantike, duke përfshirë Këshillin e Evropës, Bashkimin Evropian dhe NATO-n./Arbresh.info/
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...